EDUREFERENTES FEMININAS EN GALICIA

O noso centro foi un dos seleccionados para participar no programa educativo "Edureferentes" ofertado pola Consellería de Educación. 

A igualdade de oportunidades entre homes e mulleres,  é tamén un dos cometidos da orientación vocacional. Achegar referentes femininos que exercen a súa actividade profesional en distintos ámbitos, axuda a construir unha sociedade máis xusta, igualitaria e libre de estereotipo de xéneros.

Sonia Pazos e Asunción Fieira foron as dúas mulleres referentes que estiveron con nós. Forman parte da Asociación de Executivas de Galicia. A charla estivo dirixida ó alumnado de 2º de Bacharelato.

 BECAS DO MINISTERIO DE EDUCACIÓN PARA ESTUDOS UNIVERSITARIOS E NON UNIVERSITARIOS

Este ano a convocatoria xeral de becas adiántase. O prazo de solicitude abrangue dende o 30 de marzo ata o 12 de maio. 

No caso de alumnado universitario, permítelle saber a cuantía que podería recibir en función dos requisitos económicos, ainda sen ter a certeza de qué estudos universitarios iniciará e donde estará estudando.

CRITERIOS DE PROMOCIÓN E TITULACIÓN NA ESO E BACHARELATO  

Se clicas no menú superior accedes ó que andas buscando.

 MODELO DE INFORME FINAL  DE REFORZO EDUCATIVO

A orde de atención á diversidade do 8 de setembro, no seu artigo 48, apartado 4 dice que ao final de cada curso, o profesorado, coordinado pola persoa titora, elaborará un informe individual dos reforzos educativos levados a cabo segundo o modelo deseñado polo departamento de orientación do centro docente. 

Para a súa elaboración contouse coa axuda da orientadora Verónica Río. 

VISITAS ÁS FACULTADES DA UNIVERSIDADE DE SANTIGO

Despois de varios anos de parón por causa da pandemia,  a USC retomou os encontros na USC. 

O pasado día 4 de Marzo, foi o escollido polo noso centro para que o alumnado de 2º de bacharelato puidese participar, aproveitando que xa estaban aviliados neste segundo trimestre, que acaba de rematar para eles. Xa é o cuarto curso que acudimos.

Cada  alumno escolleu previamente un percorrido de preferencia que abrangue dúas facultades ou centros universitarios. Esta foi a escolla: 

 XORNADA INFORMATIVA NA USC

ALGÚN ASPECTO DE INTERESE SOBRE AS ABAU E O ACCESO Á UNIVERSIDADE

Pedro Armas, delegado do Reitor da UDC ante a CIUG, informa:

ABAU

• Os modelos de examen  ABAU serán modelos COVID
• As datas xa publicadas con anterioridade serán 7-8-9 de Xuño para a convocatoria ordinaria e 12-13-14 de Xullo para a convocatoria extraordinaria
• As datas de matrícula serán 23-24 de maio para a convocatoria ordinaria e 27-28 de Xuño para a convocatoria extraordinaria
• Cambiará un pouco a distribución das aulas. Haberá menos comisións delegadas porque o protocolo de distancia de seguridade nas aulas é de menos separación e permite que haxa máis alumnado nas aulas.
• Todos os anos se procurará que os exames da convocatoria ordinaria sexan a primeira semana de xuño e na segunda de Xulllo para a convocatoria extraordinaria.
• En breve subirán á páxina da CIUG o protocolo das ABAU
• A distribución dos exames ABAU nos tres días seguirá a mesma orde de todos os anos.
• Os correctores dos exames terán un sistema para introducir as notas.
• Datos relativos ás reclamacións no último ano: un 30 % das reclamacións presentadas permitiulles subir nota e un 10% a modificación foi á baixa.

ACCESO Á UNIVERSIDADE (recordatorios) 

• Ter ben claro a orde de relación cando se solicitan as titulacións de grao: 5 carreiras ou 10 se son repetidas
• Os chamamentos no acceso son normalmene os martes do mes de Xullo
• Mentras non pechan as carreiras que están por diante non hai a obriga de matricularse.
• No momento en que se pechen as titulacións que estaban en espera que están por diante, hai que matricularse obrigatoriamente na que se está convocada.
• As comisións para alumnos con n.e.a.e vai ser en Económicas.

CUESTIÓNS RELATIVAS A NORMATIVA SOBRE A AVALIACIÓN NA ESO E BACHARELATO

En breve será publicada a orde do 25 de xaneiro de 2022, sobre a avaliación na educación primaria, ESO e bacharelato  no Diario Oficial de Galicia. Nesta presentación están recollidos cuestións relativas:

• promoción
• titulación
• consello orientador
• modificación do calendario escolar
• programas de diversificación curricular
• matrículas de honra