SABER MÁIS PARA PASAR A SEGUNDO DA ESO

Do 2 ao 22 de maio terás que facer entrega, dun documento sobre elección de materias para o vindeiro curso, ao teu titor/a. Esto permíteche dispoñer coa antelación suficiente,  da información que precisas  para realizar unha axeitada elección. 

Aínda que non é VINCULANTE, sí será tida en conta para a oferta de materias optativas DEFINITIVA. 

Esto está supeditado ás necesidades de organización do centro e outras medidas determinadas pola administración educativa como o mínimo legal de alumnos matriculados por materia ( 10 ALUMNOS en materias específicas ). Polo tanto, é IMPORTANTE que cubrades este documento como se fose a matrícula definitiva.

Nestes días estarei nos distintos grupos para proporcionar información e orientación sobre este aspecto e outros que atoparedes na presentación. Se aínda así,  tes DÚBIDAS podes vir ao departamento de orientación para tratar de resolvelas.

Con esta presentación aprenderás:

• Como está organizado o Sistema Educativo
• Oferta das materias en 2º de ESO
• Breve explicación das materias optativas para saber como escoller
• Matemáticas académicas ou aplicadas en 3º de ESO
• Criterios de promoción e titulación en 4º de ESO
• Outras alternativas para poder ter o título da ESO
• Bacharelato 
• Nocións básicas sobre os títulos universitarios
• A Formación Profesional de Grao Medio
• Outras ensinanzas: artes plásticas, música, danza, idiomas...

GRAO EN TERAPIA OCUPACIONAL

Sen dúbida, é un un plus engadido,  poder contar con alumnos universtiarios para presentar estudos de grao, como foi no noso caso. O pasado 11 de Abril estiveron con nós, Gema Tacón Sánchez ( ex-alumna do centro) e Nerea Blanco Martínez, estudantes da Universidade de A Coruña, que están no último curso de Terapia Ocupacional. 

Esta iniciativa de acudir aos centros de Secundaria, está promovida polo profesorado da Escola Universitaria de Terapia Ocupacional ( única en Galicia ) e enmárcase na asignatura de Estancias Prácticas, que desenvolve proyectos de aprendizaxe e servizo.

Como mencionaba antes, ter a axuda de alumnos, que xa están na Universidade, para facilitar a toma de decisións vocacionais, é un recurso máis, que sempre é benvido polos profesionais de orientación. 

Estiveron con cada grupo de 4º de ESO e 1º de Bacharelato, en vez de todos xuntos. Valeu a pena facelo así, porque sempre se consegue un achegamento maior ao alumnado e tamén facilita que haxa máis participación, plantexando dudas e preguntas, como foi o caso dalgúns grupos. 

Elas dúas foron "case profes por un día", digo esto,  porque estiveron 4 sesións das 6 que hai a diario. Aquí tedes a presentación que utilizaron nas aulas. 

GRAO EN MINAS E ENERXÍA

O Colexio Oficiais de Enxeñeiros Técnicos de Minas e Enerxía ten editado un video de non máis de 3 minutos, para dar a coñecer estes estudos. De igual xeito, ten un cartel informativo para promover o coñecemento deste grao universitario.

Se tes interese en descubrir outos estudos, recorda que no marxe dereito, no apartado de ETIQUETAS, hai información doutros graos.

PRESENCIA DA CIUG NO NOSO CENTRO

Pedro Armas representante da CIUG ( Comisión Interuniversitaria de Galicia ), estivo un ano máis,  no noso centro o pasado venres, 22 para explicar as probas ABAU de acceso á universidade. Explico o máis relevante, entre as miñas notas recollidas:

• Unha vez máis, insistiu no sistema garantista das probas para asegurar a igualdade de oportunidades a todo o alumnado e o anonimato en canto ó tipo de exame.
• Como xa é sabido por todos, este ano as probas extraordinarias ABAU adiántanse a Xullo. Explicou que este cambio evita a disfuncionaliade que estaba habendo entre a Universidade e os centros de Secundaria. Ata de agora, estába sucedendo que alumnos matriculados na última das convocatorias, empezaban o curso universitario, na metade do primeiro cuadrimestre, afectando ao seu rendemento académico.
• Recordou que hai grupos de traballo de cada materia ABAU que están traballando durante todo o curso para facer propostas de exames. Dun todal de seis modelos de exames, escóllense dous, que son os que finalmente realizarán os alumnos.
• Recordou que é aconsellable, poñer esmero na troncal de modalidade, posto que a nota acadada ten peso, tanto na parte obrigatoria da proba como na parte específica.
• Son arredor de 800 profesores, os que están a disposición nas ABAU para un total de 10.000 alumnos de media.
• As materias para subir nota poden ser materias que o alumno non esté a cursar.
• A nota máxima de 14 puntos, evita que alumnos estranxeiros colapse as titulacións ( posto que neste casos só acceden cunha nota máxima de 10 )
• Con respecto a preinscripción de prazas nas titulacións, pódense solicitar 5 podendo chegar ata 10 se se repiten. Fixo fincapé en que mentres non pechen os graos que están solicitados por diante, aínda que se esté en lista de espera, non hai porque matricularse na que se está convocada. 

¿QUE QUERO ESTUDAR? GUÍA 2019. A VOZ DE GALICIA

A Voz de Galicia, publicou o pasado domingo 31 de marzo unha guía de estudos superiores. 

CONTIDOS:

• Validacións da Formación Profesional coa Universidade, é dicir, o número de créditos os que se validan para cada grao universitario, segundo o ciclo de FP Superior cursado.
• Inclúe un total de 230 titulacións superiores oficiais repartidos entre graos universitarios,  ciclos de Formación Profesional Superior e outros estudios ( Deseño, Música, Conservación e Arte Dramático.
• Graos universitarios como o ciclos de F.P. de grao superior están agrupados por cores   
• Precios aproximados, segundo a ensinanza sexa pública ou privada

• Na explicación de cada grao universitario aparece:

1. Centros universitarios de Galicia onde se poden cursar
2. Nota de corte en cada universidade 
3. Plazas libres no curso anterior se é o caso 
4. Se se trata dun doble grao 
5. Materias de Bacharelato que ponderan para cada grao
6. Características e salidas profesionais de cada título.

• Na explicación de cada ciclo superior de Formación Profesional figura:

1. Centros educativos onde se poden cursar
2. Características do ciclo e saídas profesionais
3. Nota de corte de Bacharelato se é o caso

Fai click para a descarga en PDF

Aquí podes atopar un visión interactiva que facilita a búsqueda dos diferentes estudos. 

CAMPUS CIENTÍFICOS 2019

Un ano máis, a Fundación Española para a Ciencia e Tecnoloxía en colaboración co Ministerio de Educación, convoca unha nova edición de campus científicos, durante o verán.

Este ano ademáis e como NOVIDADE!!!! , hai 20 plazas adicionais para realizar unha estancia no CERN, en Ginebra, do 29 de setembro ao 12 de outubro de 2019. Están dirixidas a estudantes de 4º de ESO.

Consulta toda a información no panel e se estás interesado fai a solicitude axiña porque o prazo remata o 1 de abril, ás 13 horas.

OS SERES HUMANOS ASPERGER

Afortunadamente, cada vez sábese máis, das persoas con esta condición de ser Asperger. Desde un punto de vista educativo, debemos de considerala non como unha enfermidade, ou como unha patoloxía, senón como un funcionamento distinto do cerebro. Convén desterrar a idea de que ser Asperger significa estar enfermo. Así se explica na breve presentación.

Nos centros educativos, é bastante frecuente que haxa alum@s con estas singularidades. As dificultades para establecer relacións  poden ser unha fonte de conflitos. 

Os seus iguais ( neurotípicos en terminoloxía técnica) precisan ter coñecemento das características dos Asperger para lograr unha maior comprensión e entendemento. Esta medida poder mellorar a convivencia dentro das aulas. 

O noso centro non é alleo a esta situación. E así foi, que esta semana, nun dos grupos no que hai un alumno Asperger, tirando da presentación que tedes máis abaixo, explicámolles que dentro do amplo abano da diversidade, éste é un aspecto máis. 

A experiencia foi moi satisfactoria. O desenvolvemento da sesión foi da seguinte maneira:

ANTES

• Previamente tivemos unha reunión coa familia para contar coa súa aprobación.
• Un día antes de levar a cabo a sesión cos alumnos, o titor e máis eu, reunímonos co alumno para anticiparlle como tiñamos pensado estructurala.

DURANTE

• A primeira parte da sesión de algo máis de 50 min ( collendo parte do recreo) consistiu nunha breve explicación cos rasgos máis característicos. 
• Interesábanos que o alumno con esta condición, participase contando aquelo co que máis se sentía identificado, como así o fixo.
• A continuación os compañeiros, foron indicando aspectos comentados anteriormente que observaban neste alumno. 
• Dende fai anos, para certas dinámicas utilizamos os círculos restaurativos. A súa disposición de sentarse de esta forma, favorece o diálogo e a participación de todo o grupo. Temos un obxecto de palabra que vai pasando por todos os alumnos e nós como facilitadores somos un máis dentro do círculo.
• A actitude durante a sesión foi de respecto e en algúns casos amosáronse moi empáticos, destacando as habilidades que presenta este alumno.