INICIACIÓN SEGURA Á PEGADA DIXITAL E REDES SOCIAIS

O noso centro participou recentemente nun programa promovido pola Consellería de Educación, dirixido ao alumnado de Educación Secundaria e Ciclos Formativos.

A actividade levouse a cabo o mércores 25 de abril cun grupo de alumnas e alumnos de 2º de ESO, que asistiron a un obradoiro durante a hora de titoría, impartido por profesionais de ANTEGA.

Durante a sesión, o alumnado puido reflexionar e aprender sobre aspectos clave relacionados co uso responsable das tecnoloxías e a súa presenza na rede. Entre os contidos traballados destacan:

• Que é a pegada dixital e que información deixamos ao navegar por internet (historial, dirección IP, etc.).
• Exemplos reais de pegada dixital a través de influencers coñecidos.
• O concepto de identidade dixital e a súa importancia.
• O egosurfing e a xestión da propia imaxe en liña.
• O funcionamento dos bots e dos metadatos.
• A relación entre tecnoloxía, fogar e privacidade.
• A configuración da privacidade nas redes sociais.

Este tipo de iniciativas contribúe a fomentar un uso máis seguro, crítico e responsable das ferramentas dixitais entre o alumnado.

 

Ligazón da axencia nacional de protección de datos para facer unha denuncia

Liña telefónica do INCIBE: 017

Ciberseguridad Galicia