Xornada de Portas Abertas 2026 no campus  de A Coruña

Descubre o teu futuro nesta  Xornada de Portas Abertas!

Vén a coñecer a nosa universidade:

• Campus da Coruña: días 12 e 13 de marzo de 2026 en horario de tarde.

Explora as nosas instalacións, coñece en detalle a nosa oferta académica e sumérxete na vida universitaria a través de encontros co profesorado e estudantado, que te guiarán en visitas e actividades deseñadas para que vivas a experiencia de primeira man.

Inscríbete nas facultades do teu interese, seleccionando o horario que sexa mellor para ti.

Recibirás un agasallo especial: unha bolsa exclusiva da UDC. 

Inscríción nas Xornadas

 GUÍA TI ELIXES 2026

Con motivo da realización das III Xornadas de Orientación Artística e Profesional 2026, a Concellaría de Educación, Formación e Innovación Tecnolóxica do Concello da Coruña pon ao dispor da comunidade educativa a Guía Ti Elixes! 2026, co obxectivo de converterse nunha ferramenta práctica que lle facilite a toma de decisións sobre o futuro académico e profesional ao alumnado de educación secundaria e sirva de apoio ao labor dos equipos de orientación de institutos e centros privados.

A Guía Ti Elixes! ofrece información sobre a oferta educativa de FP, universitaria e de aprendizaxe de idiomas, busca de emprego e unha selección de bolsas e axudas convocadas por entidades públicas e privadas, tanto en España como no estranxeiro.

A recompilación e presentación da información desta guía foi realizada pola Rede Municipal de Información Xuvenil do Concello da Coruña, en coordinación co Servizo Municipal de Educación.

A Rede conta con 3 espazos, situados no Centro Ágora, no Espazo Xuvenil Naves do Metrosideiro e no Fórum Metropolitano, que ofrecen ao longo de todo o ano unha asesoría educativo-profesional a disposición das persoas mozas. Contacta en: www.coruna.gal/informacionxuvenil

Design by analiliotero

 

ENCONTROS NA UNIVERSIDADE DE SANTIAGO

O Xoves da semana pasada, día 5 de Febreiro, o alumnado de 1º e 2º de Bacharelato visitou as facultades da Universidade de Santiago. Cada alumna e alumno  podía visitar dúas facultades, previamente elexidas. Fomos un total de 58 alumnas e alumnos.   Os itinerarios de máis preferencia foron:

• Facultade de Ciencias da Educación ( Pedagogía e Mestre en Educación Primaria e Infantil ) e a Facultade de Psicoloxía
• Facultade de Bioloxía e Farmacia
• Facultade de Económicas e Empresariais

O resto de itinerarios de oferta pódense consultar nesta páxina.

 CRITERIOS DE PROMOCIÓN E TITULACIÓN NA ESO

XORNADAS DE ORIENTACIÓN  ARTÍSTICA E PROFESIONAL 

As III Xornadas de Orientación Artística e Profesional (XOAP 2026) están organizadas polo Servizo Municipal de Educación do Concello da Coruña e teñen como obxectivo informar sobre os estudos Superiores de Deseño e os ciclos de Formación Profesional e ensinos Artísticos (ordinaria e básica) que se imparten nos centros públicos da cidade da Coruña.

 CUESTIÓNS RELATIVAS Á ATENCIÓN Á DIVERSIDADE SEGUNDO A NORMATIVA

BECAS FUNDACIÓN AMANCIO ORTEGA